Hverjum er verið að hjálpa hérna?

Ef að ég skil þetta rétt þá þyrfti sá sem að fær niðurfellingu skuldar, segjum 20 millj. að greiða tekjuskatt af 50% upphæðarinnar þ.e. af 10 millj. Þennan skatt þarf viðkomandi að greiða á þremur árum. Lítur dæmið þá ekki þannig út að, þrátt fyrir jafnvel talsverða lækkun á greiðslubyrði lánsins, munu mánaðarlegar afborganir vegna niðurfellingarinnar (fjárhagslegri björgun viðkomandi) verða margfalt hærri næstu þrjú árin á eftir.  Ef að við einföldum reikninga aðeins og segjum að tekjuskatur sé 50%. Þá þyrfti viðkomandi að punga út 5 millj. á næstu þremur árum. Bara afborgun af skattinum yrði á milli 130.000 og 140.000 kr. á mán.

Hverjum er verið að hjálpa hérna?

Afskriftir verða skattlagðar

Athugasemdir

[gisli (IP-tala skráð) 19.3.2010 kl. 08:17]

auð mönnum

[Eva Sól (IP-tala skráð) 19.3.2010 kl. 09:09]

Gera má ráð fyrir um 40 - 46% tekjuskatti ef viðkomandi er í láglauna- eða millistétt. Það er auðvitað óheyrilega hár skattur. Skattur af hverju? Lánum sem stökkbreyttust!

Ef ég fæ bílinn minn niðurfelldan úr 4.000.000 niður í 2.000.000 þá þarf ég að borga um 400.000 fyrir það. Annað eins ef íbúðin verður eitthvað niðurfelld en ég keyti hana 2007 þannig að hún var í hæstu hæðum þá og er núna komin í lægstu lægðir. Greiddi 3.000.000 út við kaup (kostaði 24.000.000) og skulda núna tæpar 29.000.000. Segjum að íbúðin, sem er í blokk, seljist núna á 20.000.000 þá hef ég tapað ansi miklu. Ef niðurfelling lánsins færi í 110% verðgildi íbúðar þá fengi ég afskrifaðar 7.000.000 þá þyrfti ég að punga út 1.400.000 í skatt. Ég geri ráð fyrir láglaunaskatti en að hluta þyrfti ég kannski að fara upp í næsta þrep og þá hækkar skatturinn. 

Þetta gera 50.000 á mánuði í þrjú ár, takk fyrir. Fimm manna fjölskylda. Maður nær varla endum saman núna. Líklega betra að fara bara á hausinn.

[Hamarinn, 19.3.2010 kl. 09:33]

Þessi ríkisstjórn hefur aðeins haft eitt markmið frá upphafi.

Það er að vernda hag lánadrottna.

[Einar G (IP-tala skráð) 19.3.2010 kl. 12:35]

Þið eruð miklir húmoristar.

  Fyrsta stóra aðgerðin þar sem reynt er að hjálpa fólki, og reynt að ganga í að skattleggja stóreignarmenn og fjármálasukkarar, kennitöluflakkara o.fl. á sanngjarnan hátt, þá bregðast sumir svona við

            Þið eruð svo yndislega veruleikafyrrt, þið gerið þetta nánast að listformi!!

[Guðmundur St Ragnarsson, 19.3.2010 kl. 15:12]

Þessir ráðherra snillingar eru að tryggja að afskriftir bankamanna og útrásarvíkinga sem þegar hafa fengið persónulegar afskriftir upp á stórar, stórar tölur, sleppi ekki. Fórnarkostnaðurinn er að láta almenning sem þarf að afskrifa hóflegar tölur blæða í leiðinni. Jafnaðarmennskan í hnotskurn.

Einar þú virðist ekki skilja að með því að skattleggja stóreignamenn er verið að skattleggja alla hina - hinn venjulega Íslending í fjárhagsvandræðum - í leiðinni. Líka þá sem geta ekki greitt krónu í tekjuskatt vegna afskrifta. Nærðu þessu ekki?